ភ្នំពេញ៖ ក្រសួងធនធានទឹកនិងឧតុនិយមឱ្យដឹងថាចាប់ពីថ្ងៃទី១ រហូតដល់ថ្ងៃទី៧ ខែមិថុនា ស៊ីតុណ្ហភាពនៅក្នុងប្រទេសកម្ពុជានឹងមានចន្លោះពី២៣ ដល់៣៥ អង្សារសេ និងមានភ្លៀងធ្លាក់ក្នុងកម្រិតពីតិចទៅបង្គួរ និងមានផ្គរ រន្ទះ និងខ្យល់កន្ត្រាក់លាយឡំជាមួយផងដែរ។
ក្រសួងធនធានទឹកបញ្ជាក់ថាភ្លៀងធ្លាក់នេះដោយសារកម្ពុជាទទួលរងឥទ្ធិពលពីជ្រលងនៃសម្ពាធទាបដែលស្ដិតនៅភាគខាងលើ ប្រទេសឡាវ និងប្រទេសវៀតណាម ជាមួយនឹងខ្យល់មូសុងនិរតីពីខ្សោយទៅមធ្យម៕
